P45 na dagdag sahod sa Calabarazon aprubado na

Epektibo na sa October 26 ang dagdag na 45 pesos sa sweldo ng mga manggagawa sa CALABARZON o Region 4-A.

Ayon sa Department of Labor and Employment, inaprubahan ng Regional Tripartite Wages and Productivity Board ang dagdag sahod para sa mga minimum wage earners sa rehiyon.

Dahil sa dagdag sahod maglalaro na sa P645 ang pinakamataas na minimum wage sa rehiyon.

Ang dagdag sahod ay katumbas ng mahigit 1,000 pesos kada buwan na dagdag take home pay ng mga manggagawa.

Ayon sa DOLE aabot sa 1.56 million na minimum wage earners sa CALABARZON ang makikinabang sa wage hike. (DDC)