Suplay ng bottled water sapat pa; DTI nagbabala kontra overpricing

TINIYAK ng Department of Trade and Industry na nananatiling sapat ang suplay ng bottled water sa bansa.

Kasabay nito ay nagpaalala ang DTI sa publiko na iwasan ang hoarding o pag-iimbak ng bottled water.

Nitong nagdaang mga araw marami ang nagpo-post sa kanilang social media na nagsisimula nansilang mag-imbak ng suplay ng inuming tubig bilang paghahanda sa strong El Niño.

Ayon sa DTI paiigtingin din nila ang monitoring sa presyuhan ng bottled water at patuloy na makikipag ugnayan sa manufacturers at distributors para masiguro ang sapat na suplay sa mga pamilihan.

Samantala nakatutok din ang DTI sa mga reklamo tungkol sa pagsirit ng presyo ng plastic drums, water containers, at iba pang maaaring pag imbakan ng tubig.

Paalala ng ahensya sa mga negosyante magong responsable at huwag samanatalahin ang sitwasyon.

Siniguro ng ahensya na papatawan ng karampatang parusa ang mga mapatutunayang lumalabag at nagpapataw ng sobra sobrang pagtaas sa presyo. (DDC)