Personal assistant ni Romualdez na co-accused niya sa Plunder nakalabas na ng bansa

Nakalabas na ng bansa ang isa sa mga co-accused at personal assistant ni Leyte Rep. Martin Romualdez na si Joselyn Serenio.

Ayon sa Bureau of Immigration, nakaalis na ng bansa si Serenio bago pa man mailabas ang hold departure order sa kaniya at iba pang respondents sa kaso.

Hindi naman ibinunyag ng BI ang travel details ni Serenio.

Ang isa pang kapwa-akusado ni Romualdez na si Felicito Cristobal Guevarra ay walang rekord ng pag-alis sa bansa.

Si Guevarra ay president ng Samchan Foreign Exchange Corporation.

Si Romualdez at dalawang kapwa-akusado ay nahaharap sa P7.4 billion plunder case sa Sandiganbayan. (DDC)