Coast Guard nagpapatuloy ang dewatering operations sa nasunog na MV June Aster sa Palawan
Umabot na sa limampu’t walong drum ng oily water mixture ang nahakot ng Philippine Coast Guard mula sa nasunog na MV June Aster.
Ito ay kaugnay ng nagpapatuloy na dewatering operations ng Coast Guard sa nasabing barko partikular sa bahagi ng engine room nito.
Samantala, naglagay ng Legal Assistance Help Desk ang PCG District Palawan sa bahagi ng Emergency Operations Center sa Coron, Palawan.
Ayon sa Coast Guard, umabot na sa dalawampu’t apat na pamilya ang nabigyan ng legal assistance ng Coast Guard na pawang naapektuhan sa insidente ng sunog. (DDC)
