Settlement plan ng Israel sa West Bank labag sa International Law – DFA
Ikinabahala ng pamahalaan ang panibagong development sa West Bank partikular ang settlement plan ng bansang Israel.
Ayon sa pahayag ng Department of Foreign Affairs, labag sa International Law ang settlement plan ng Israel sa mga naninirahan sa West Bank.
Una nang inaprubahan ng Israeli Government ang major settlement project sa West Bank kung saan plano nito ang magtayo ng nasa 1,200 na bahay sa lugar na tinawag nitong E1 o East 1.
Ito ay para palawigin ang Ma’ale Adumim settlement at maikunekta ito sa Jerusalem.
Hinikayat ng DFA ang mga partido na iwasan ang mga hakbang na maaari pang magpalala ng kondisyon sa lugar.
Tiniyak din ng DFA ang suporta nito sa Karapatan ng Palestinian people. (DDC)
