BuCor nagbabala sa publiko at aplikante laban sa dalawang pekeng recruitment websites
Binalaan ng Bureau of Corrections (BuCor) ang publiko at mga aplikante kaugnay sa dalawang pekeng recruitment websites na gumagaya sa opisyal na online platform ng ahensiya.
Layunin ng pag-alerto na pigilan ang mga indibiduwal na maging biktima ng scams ng mga bogus na sites na nagpapanggap bilang lehitimong e-recruitment system ng BuCor.
Binigyang-diin ni BuCor Director General Gregorio Pio P. Catapang Jr. ang kahalagahan ng ng pagsasagawa ng lahat ng recruitment transactions na eksklusibo lamang sa pamamagitan ng official BuCor website, bucor.gov.ph, o ibang otorisadong communication channels.
Nadiskubre ang dalawang nakakalinlang na websites na e-bucor-rms.vercel.app at bucor-recruitment.online para irepresenta umano ang BuCor’s e-recruitment system subalit walang opisyal na kaugnayan sa ahensiya.
Nagsasagawa ng open-source intelligence (OSINT) investigation ang BuCor upang beripikahin ang mga nasabing sites.
“The first, hosted on Vercel and utilizing Next.js with Supabase backend, allowed applicants to register, log in, and recover passwords. Despite visible functionalities, no identifiable developer or organization was found, and the precise launch date remains unknown,” sabi ni Catapang.
Aniya ang ikalawang site’s domain na bucor-recruitment.online ay nakarehistro lamang kamakailan at protektado ng privacy services na nagkukubli ng pagkakakilanlan ng nagrehistro.
“It is hosted by InterServer Inc., with the registration handled by Hostinger Operations, UAB. Both websites were confirmed as fraudulent by BuCor’s Recruitment and IT departments, who stress they have no connection to these platforms,” dagdag pa ni Catapang.
Tahasang sinabi ng BuCor chief na sa panahin natin ngayon ay lumalawak panloloko online aya napakahalaga ng pagiging mapanuri o mapagmatyag ng publiko at dapat na angat ang kamalayan sa mga pekeng recruitment sites na matinding banta kabilang sa potensiyal na pagnanakaw ng personal data, financial exploitation, at misinformation. Sila aniya ang nagpapahina ng tiwala sa mga lehitimong pampublikong institusyon at pagsasamantala sa mga aplikanteng naghahanap ng mga oportunidad sa trabaho. (Bhelle Gamboa)
