Malakanyang tiwalang gugulong ng maayos ang imbestigasyon sa kontrobersyal na raid ng PNP-HPG sa warehouse sa Bulacan
Ipinauubaya ng Palasyo ng Malakanyang sa PNP at BOC ang pagresolba sa kontrobersiya hinggil sa sinalakay na warehouse ng sigarilyo sa Bulacan.
Ayon kay Palace Press Officer, Usec. Claire Castro nagsagawa naman na ng imbestigasyon ang PNP at pansamantalang ni-relieve sa pwesto ang mga sangkot na tauhan ng Highway Patrol Group.
Tiwala aniya si Pangulong Ferdinand Marcos Jr. sa dalawang ahensya na maisasagawa ang maayos at patas na imbestigasyon.
Dagdag pa ni Castro naniniwala ang Malakanyang na hindi hahayaan ng PNP at BOC na manatilil sa kani-kanilang pwesto ang mga tiwaling tauhan.
Dagdag pa ni Castro, kung mayroon mang mapatutunayang nagkasala o umabuso ay dapat itong panagutan. (DDC)
