500 TODA members sa Las Piñas City sasabak sa 10-day TUPAD
Isinagawa ang TUPAD Orientation para sa halos 500 na miyembro ng iba’t ibang Tricycle Operators and Drivers Association (TODA) sa Las Piñas City bilang paghahanda sa sampung na araw na trabaho sa ilalim ng Tulong Panghanapbuhay sa Ating Disadvantaged/Displaced Workers (TUPAD) program.
Makatatanggap ang bawat benepisyaryo ng P755 kada araw sa loob ng 10-araw o kabuuang P7,550.00 kapalit ng kanilang serbisyo sa mga gawaing itinalaga sa ilalim ng naturang programa.
Dumalo sa orientation sina Mayor April Aguilar, PESO Head Red Garcia at Department of Labor and Employment (DOLE) Muntaparlas Director Jeremiah Carlos, na nagbigay ng mahahalagang paalala at gabay sa mga benepisyaryo bago magsimula ang kanilang trabaho.
Patuloy na sinusuportahan ng Pamahalaang Lungsod ng Las Piñas ang mga programang nagbibigay ng agaran at dagdag na suporta sa mga manggagawa at kanilang pamilya. (Bhelle Gamboa)
