BuCor humihirit ng P11.9 billion 2027 budget

Humihirit ang Bureau of Corrections (BuCor) ng alokasyong tinatayang P11.9 billion sa ilalim ng FY 2027 National Expenditure Program,na nagrereprisinta sa 9.6 porisyentong pagtaas nito buhat sa P10.88-billion budget ng 2026.

Sinabi ni BuCor Director General Gregorio Pio P. Catapang Jr. na abf panukalang budget ay susuporta sa mga kailangan ng mga tauhan, pagsasaayos ng pasilidad, seguridad ng kulungan, paglilipat ng persons deprived of liberty (PDLs) patungong penal facilities, at modernisasyon ng correctional operations.

Kabilang sa mungkahing alokasyon ang P7.6 billion na halaga ng mga serbisyo para sa personnel; P3.7 billion sa maintenance at iba pang gastusin sa operasyon; at P519.9 million naman para sa capital outlay.

Ayon pa kay Catapang ang panukalang budget ay sumalamin sa tuloy-tuloy na hakbang ng BuCor upang tugunan ang siksikan, pagpapaganda ng imprastraktura sa kulungan, pagpapahusay ng kapabilidad ng mga tauhan, at pagpapalakad sa seguridad at pananagutan ng correctional operations. Susuportahan din nito ang malawak na mandato ng BuCor na magbigay ng makataong mga programang pangangalaga at makabuluhang rehabilitasyon para sa PDLs.

Sa pamamagitan bg mga pamumuuunan sa modernong pasilidad, digital systems, mga prigramang pangkabuhayan, mga serbisyong pangrehbilitasyon, at pagpapaunlad ng personnel kaya nais ng BuCor na ayusin ang pamamahala sa kulungan at tulungang tiyakin ang produktibong reintegration ng mga dating PDLs sa kani-kanilang komunidad.

Nag-otorisa ang BuCor ng plantilla ng 10,425 positions kung saan napunan na ang 9,831 habang may natitira pang 725 na bakanteng posisyon.Kasama na rito ang 592 na posisyon para sa corrections officers, 108 sa corrections technical officers, at 25 naman na civilian personnel.

Ang karagdagang mga posisyon ay inilaan sa pagpapalakas ng puwersa ng BuCor at ayusin ang ratio sa pagitan ng correctional personnel at populasyon ng PDL.

Sa kasalukuyan, isang corrections officer sa kada 17 PDLs o 1:17 ratio; at isang corrections technical officer bawat 120 PDLs o 1:120 ratio. Ang ganitong bilang ay nananatiling mataas sa ideal ratios na 1:7 para sa Corrections Officers at 1:24 naman sa Corrections Technical Officers na itinakda sa ilalim ng Republic Act No. 10575 ayon sa paliwanag ni Catapang.

Sa datos ng BuCor umabot sa 52,356 PDLs sa mga pasilidad kasama na ang kabuuang kapasidad na 17,211 na nagresulta ng occupancy rate na tinatayang 305 porsiyento at congestion rate na 204 porsiyento.

Ang New Bilibid Prison na pangunahing corrections facility ng BuCor, bumaba ang congestion buhat sa 313% noong 2022 patungong 40.58% ngayong taon kasunod ng paglilipat ng mas maraming PDLs sa ibang operating prisons and penal farms sa buong bansa. Ang paglilipat ay pagsasaayos ng kondisyon ng kutodiya at pagpapalakas sa correctional and rehabilitation programs.

Inihayag din ni Catapang na ng capital outlay program ay kinabibilangan ng pagpopondo ng first-year requirement ng multiyear construction ng super maximum-security facility sa Curuan, Zamboanga. Ang proyektong ito ay sisimulan ng konstruksiyon ng Level 1 PDL dormitory na may kapasidad na 500 PDLs.

Misyon ng BuCor na magpatupad ng epektibong safekeeping at magtatag ng pangkalahatang mga programang repormasyon para sa PDLs,na magbibigay ng pagkakaroon ng patas at at payapang lipunan. (Bhelle Gamboa)