P11.6M na halaga ng shabu galing South Africa nakumpiska sa Clark

Naharang ng mga tauhan ng Clark Inter-Agency Task Force Against Illegal Drugs ang kargamento na naglalaman ng mahigit 1,700 grams ng hinihinalang shabu sa Port of Clark.

Ang shipment na galing ng South Africa at dadalhin sana sa Angeles City, Pampanga.

Sumailalim ito sa regular na Customs clearance procedures ang kargamento na idineklarang naglalaman ng car parts, pero na-detect sa X-ray Inspection ng BOC ang kahina-hinalang laman nito.

Nang isagawa ang physical examination ay doon nakita ang dalawang engine pistons at isang 1) tensioner pulley kit pero sa loob ay nakatago ang labingpitong itim na transparent plastic packages na naglalaman ng shabu.

Tinatayang aabot sa mahigit 11.6 million pesos ang halaga ng nakumpiskang kontrabando. (DDC)