Mga Pinoy pinag-iingat sa alok na trabaho bilang seasonal worker sa South Korea

Pinag-iingat ng embahada ng Pilipinas sa Seoul ang mga Pinoy na nais magtrabaho bilang Seasonal Worker sa South Korea.

Ayon sa abiso ng embahada, mayroong dalawang legal na paraa upang makapagtrabaho bilang seasonal worker at ito ay sa pamamagitan ng Migrant Workers Office.

Una ay maaari itong gawin sa pamamagitan ng LGU-to-LGU Agreement sa pagitan ng isang Local Government Unit sa Pilipinas at isang lokal na pamahalaan sa Korea.

At ang ikalawa ay sa pamamagitan ng Family Invitation Program, alinsunod sa mga umiiral na patakaran ng pamahalaan ng Korea.

Pinapayuhan ang publiko na mag-ingat sa mga indibidwal, grupo, o ahensyang nangangako ng trabaho o nag-aalok ng mabilis na pagproseso kapalit ng kabayaran.

Ang mga ganitong gawain ay maaaring may kaugnayan sa illegal recruitment o panloloko. (DDC)