Agarang tulong sa mga nasalanta ng sama ng panahon iniutos ni PBBM

Pinangunahan ni Pangulong Ferdinand Marcos Jr. ang situation briefing kasama ang mga ahensyang tumutugon sa epekto ng pinagsamang Habagat, at mga bagyong Luis at Maymay.

Ipinag-utos ng presidente na tiyaking naaabot ang lahat ng apektadong residente, lalo na ang mga nasa malalayong lugar.

Sa huling datos, umabot na sa 39.37 million pesos ang halaga ng tulong na naipaabot ng DSWD at mga lokal na pamahalaan.

Umabot din sa 3,841 personnel ang nakadeploy para sa search and rescue operations.

Habang may naka-standby pang 4,392 personnel, halos isang libong kagamitan at labingapat na air at sea assets para sa agarang pagtugon.

Kasabay nito, ipinag-utos ni PBBM ang pagpapaigting ng mga hakbang laban sa pagbaha, kabilang ang flood control projects, dredging operations, installation ng HDPE pipes at patuloy na operasyon ng pumping stations, sa ilalim ng whole-of-nation approach. (DDC)