P7.2T 2027 NEP naisumite na ng DBM kay Pang. Marcos

Pormal nang isinumite ni Department of Budget and Management Acting Secretary Kim Robert De Leon kay Pangulong Ferdinand Marcos Jr. ang Fiscal Year 2027 National Expenditure Program.

Ayon sa DBM, may temang “People-Centered Growth for an Inclusive and Resilient Future,” ang 2027 NEP ay nagkakahalaga ng 7.2 trillion pesos na nakatuon sa pagtutok sa pangangailangan ng sambayanang Pilipino.

Sinabi ng DBM na maliban sa pagpopondo sa mga programa ng gobyerno, ang panukalang pambansang budget ay investment sa bawat mamamayan para sa kanilang edukasyon, kalusugan, kabuhayan, seguridad at iba pang pangangailangan.

Ayon sa DBM, ang bawat pisong halaga sa ilalim ng 2027 NEP ay tutumbasan ng magandang oportunidad, mas malakas na public services, at mga resultang tiyak na makikita, mararamdaman at mararanasan ng mamamayan.

Ngayong araw, August 11 ay pormal na itu-turnover ang FY 2027 NEP sa kongreso. (DDC)