Status ng Bulkang Mayon ibinaba ng Phivolcs sa Alert Level 2

Mula sa Alert Level 3 o magmatic unrest ay ibinaba na ng Phivolcs sa Alert Level 2 o moderate level of unrest ang status ng Bulkang Mayon.

Ayon sa abiso ng Phivolcs, batay sa monitoring network at observation sa araw-araw na kondisyon ng ng bulkan, bumaba ang aktibidad ng pag-aalburuto nito simula noong July 23.

Pagkatapos ng peak activity sa summit crater ng bulkan mula July 11 hanggang 18 ay nabawasan na ang eruptive activity kabilang ang strombolian events, lava effusion, at pyroclastic density currents o uson.

Ang average ng naitatalang volcanic earthquakes ay bumaba na din mula sa 57 per day noong Enero sa 13 events per day na lang noong Hulyo.

Bumaba na din ang naitatalang sulfur dioxide emission mula sa bulkan na umaabot na lang sa 2,163 tonnes per day ang average.

Sa kabila nito, sinabi ng Phivolcs na aasahan pa rin ang mga aktibidad sa bulkan. (DDC)