Mga paaralan sa lugar na naapektuhan ng magnitude 6.4 na lindol minomonitor ng DepEd

Nagsasagawa na ng monitoring ang Department of Education sa mga paaralan sa mga lugar na naapektuhan ng magnitude 6.4 na lindol tumama sa Davao Occidental.

Sa datos ng DePed, mayroong tinatayang 12,800 na paaralan sa mga lugar na tinamaan ng lindol.

Sinabi ng DepEd na binabantayan na nito ang sitwasyon at inaalam ang kondisyon ng mga paaralan.

Pinayuhan naman ang lahat kabilang ang mga guro at mga mag-aaral na manatiling alerto lalo at nagpaalala ang Phivolcs sa posibilidad na makaranas ng aftershocks. (DDC)