Bahagi ng baybayin ng Eastern Samar, Zamboanga at Palawan positibo sa nakalalasong red tide

Nananatiling positibo sa nakalalasong red tide ang baybayin ng Matarinao Bay sa Eastern Samar at baybayin ng Biliran Island.

Ayon sa abiso ng Bureau of Fisheries and Aquatic Resources o BFAR, lagpas sa regulatory limit ang red tide na taglay ng mga shellfish na nahuhuli mula sa nasabing mga baybayin.

Positibo din sa red tide toxins ang mga shellfish na nakulekta sa Dumanquillas Bay sa Zamboanga del Sur; Tantanang Bay sa Zamboanga Sibugay; at sa Honda at Puerto Princesa Bay sa Puerto Princesa, Palawan.

Paalala ng BFAR, lahat ng uri ng shellfish kabilang ang alamang na magmumula sa nasabing mga baybayin ay hindi ligtas na kainin.

Nananatili namang safe para sa human consumption ang mga isda, pusit, hipon, at alimango basta’t lilinisin lamang at lulutuing mabuti. (DDC)