56 newley-hatched Olive Ridley pinakawalan sa baybayin ng Sultan Kudarat

Pinakawalan kamakailan ng DENR Community Environment and Natural Resources Office – Kalamansig ang 56 na newly-hatched pawikan sa baybayin ng Sitio Poral.

Ayon sa CENRO Kalamansig, ang mga pawikan hatchlings ay nagmula sa isang pawikan hatchery sa lugar na pinakawalan ng DENR katuwang ang kanilang trainees mula sa Sultan Kudarat State University-Kalamansig Campus.

Sa ilalim ng DENR Administrative Order No. 2019-09, itinuturing na endangered o nanganganib ang Olive Ridley na uri ng pawikan.

Nananatili kasi ang mga banta tulad ng bycatch, poaching, at pagkasira ng kanilang tirahan kaya mahalaga ang patuloy na pangangalaga at proteksyon sa mga ito.

Patuloy na nagpapatupad ang CENRO Kalamansig ng mga hakbang upang maprotektahan ang nautrang uri ng pawikan at maitaas ang tsansa ng kaligtasan sa panahon ng pangingitlog at hatching. (DDC)