DOLE nagpasalamat sa mga senador sa pagsuporta sa NCR wage hike

Nagpasalamat si Department of Labor and Employment Secretary Francis Tolentino sa mga senador sa pagsuporta sa wage hike sa Metro Manila.

Kasunod ito ng paglagda ng mga senador sa Senate Resolution Number 577 na inihain ni Senate Majority Floor Leader Juan Miguel Zubiri kung saan nagpapahayag ng pagsuporta sa wage hike at nananawagan ng agarang pagbawi ng korte sa inisyung Temporary Restraining Order.

Sa nasabing resolusyon ng senado, sinuportahan din ang kautusan ng National Wages and Productivity Commission at ng Regional Tripartite Wages and Productivity Board – National Capital Region na nagpapatupad dagdag na P85 sa minimum wage ng mga manggagawa sa Metro Manila.

Ayon kay Tolentino patuloy ang pakikipag-ugnayan ng DOLE sa Office of the Solicitor-General para iapela ang TRO na inilabas ng Pasig RTC. (DDC)