Sangkaterbang basura nahakot ng MMDA sa 2 pumping stations

Sangkaterbang basura ang muling nahakot ng Metropolotan Manila Development Authority (MMDA) Flood Control Team sa isinagawang paglilinis sa iba’t ibang pumping stations, kabilang ang Tripa de Gallina Pumping Station at Vitas Pumping Station.

Ang mga basurang ito ang ilan sa mga pangunahing dahilan ng pagbabara ng mga daluyan ng tubig at maaaring magpalala ng pagbaha, lalo na sa panahon ng malalakas na pag-ulan.

Ang wastong pagtatapon ng basura at pag-iwas sa pagtatapon nito sa mga estero, ilog, at kanal ay simpleng hakbang na may malaking epekto sa kalinisan ng ating kapaligiran at sa pag-iwas sa pagbaha.

Hinimok ng ahensiya ang publiko na magkaisa sa pagiging disiplinado para sa mas ligtas at mas maayos na Metro Manila. (Bhelle Gamboa)