P50M cash na bigay ni acting Dasma Mayor Thirdy Barzaga sa Comelec hindi suhol sa eleksyon

Itinanggi ng Commission on Elections ang post sa isang Facebook page na nagsasabing nagkaroon umano ng suhulan sa pagitan ng mga Barzaga sa Cavite at ng Commission on Elections.

Sa nasabing post, ang pagbibigay ng 50 million pesos na tulong-pinansyal ang pamahalaang lungsod ng Dasmariñas sa Comelec ay matatawag na “legal bribery in broad daylight”.

Ayon sa poll body, ang nasabing halaga ay dagdag pondo para sa maayos na pagdaros ng special elections sa Distrito sa August 29.

Sinabi ng Comelec na ang naturang pondo ay hindi suhol at lalong hindi layong maimpluwensyahan ang Comelec para baluktutin ang magiging resulta ng special elections.

Paalala ng Comelec sa mga residente sa lugar, hiwag maniwala o magbahagi ng impormasyong hindi beripikado.

Sa idaraos na special elections sa district 4 ng Cavite, kabilang sa kandidato si Jenny Barzaga na ina ng nasibak na si dating Cong. Kiko Barzaga. (DDC)