Konsultasyon para sa hirit na dagdag-pasahe pinasisimulan na ng DOTr

Pinasisimulan na ni Transportation Secretary Banoy Lopez sa Land Transportation Franchising and Regulatory Board ang mga konsultasyon kaugnay ng mga petisyon para sa hirit na dagdag-pasahe.

Ayon kay Lopez, kailangang mapag-aralang mabuti ang mga petisyon lalo na’t magkakaroon ito ng epekto sa inflation.

Ani Lopez, ilang petisyon ang nakabinbin ngayon sa LTFRB para sa hirit na pagpapatupad ng dagdag singil sa pasahe bunsod ng pagtaas ng presyo ng produktong petrolyo.

Sa direktiba ni Lopez sa LTFRB, pinasisimulan na nito ang public consultation gayundin ang konsultasyon sa mga regional directors sa buong bansa.

Sa gitna ng mataas pa ring presyo ng langis, sinabi ng kalihim na nagpapatuloy din ang ilang programa ng gobyerno para makatulong sa mga tsuper.

Kabilang dito ang ten pesos per liter Fuel Subsidy Program. (DDC)