Comelec magsasagawa ng plebisito para sa 5 barangay sa Parañaque
Isasagawa ng Comelec ang plebisito sa limang barangay ng Parañaque City sa Sabado, July 25.
Ayon sa abiso ng Comelec, layunin ng plebisito na amyendahan ang ordinansa na nagtatakda ng territorial boundaries sa pagitan ng limang coastal barangays – ang Baclaran, Tambo, Don Galo, La Huerta at San Dionisio.
Ayon sa Comelec sa araw ng plebisito, magpapatupad ng Early Voting Hours para sa mga senior citizen, PWDs, at mga buntis mula alas singko ng umaga hanggang alas syete ng umaga.
At ang Regular Voting Hours ay mula alas syete ng umaga hanggang alas tres ng hapon.
Sa nasabing plebisito, sasagutin ng mga botante ang tanong kung sang-ayon ba sila sa pag-amyenda at pagtatama ng boundary ng nasabing limang barangay. (DDC)
