Tarriela itinangging tinawag niyang palamunin ng bayan si Sen. Padilla
Itinanggi ni Coast Guard Spokesperson for the West Philippine Sea Rear Admiral Jay Tarriela na tinawag niyang “palamunin ng bayan” si Senator Robin Padilla.
Sa kumakalat kasing post sa social media, isang statement ang iniuugnay kay Tarriela kung saan nakasaad ang pagkwestyon umano sa senador.
Sinabi ni Tarriela na hindi galing sa kaniya ang nasabing pahayag.
Gawa-gawa lang umano ito at ginamit ang kaniyang pangalan para magpakalat ng misinformation.
Hinikayat ni Tarriela ang publiko na huwag ipakalat at huwag paniwalaan ang pekeng content. (DDC)
