Minimum wage determination sa tatlo pang rehiyon sa bansa uusad sa Agosto

Simula sa Agosto uumpisahan na ang minimum wage determination sa tatlo pang rehiyon sa bansa.

Kabilang dito ang Central Luzon, CALABARZON at Central Visayas.

Ayon sa National Wages and Productivity Board, isinasagawa ang minimum wage determination dalawang buwan bago ang unang anibersaryo ng huling inisyung Wage Order sa isang rehiyon.

Susuriin ng Regional Board kung kailangan na bang muling itaas ang sahod ng mga manggagawa sa lugar.

Bahagi ng gagawing pagsusuri ang konsultasyon at public hearing sa iba’t ibang grupo mula sa sektor ng gobyerno, employers, manggagawa at iba pang grupo.

Ang kasalukuyang minimum wage sa Central Luzon ay nasa 515 hanggang 600 pesos.

Sa CALABARZON naman ay 508 hanggang 600 pesos.

Habang sa Central Visayas a 500 hanggang 540 pesos. (DDC)