Upper Wawa Dam sa Montalban umapaw na
Umapaw na ang Upper Wawa Dam sa Montalban, Rizal matapos na maabot na nito ang Spilling Level.
Sa pinakahuling monitoring sa Upper Wawa Dam, nasa 135.20 meters above sea level ang antas ng tubig sa dam.
Nasa 36 cubic meter per second ang spill rate ng dam kaya pinag-iingat ng lokal na pamahalaan ang mga residenteng naninirahan sa tabing ilog at mabababang lugar.
Ayon sa abiso ng Barangay San Rafael sa Montalban, bagaman wala pang dapat na ikabahala, mas mainam na maging handa ang mga residente. (DDC)
