NBI pwedeng automatic na mag-imbestiga kapag may banta sa buhay ng pangulo

Automatic ang pag-iimbestiga ng National Bureau of Investigation sa mga banta laban sa matataas na lider ng bansa.

Ito ang sinabi ng testigo ng prosekusyon na si NBI Agent John Mark Calilung sa ikalawang araw ng pagharap niya sa impeachment trial.

Ayon kay Calilung, sa partikular na insidente ng umano ay pagbabanta ni Vice President Sara Duterte, nagkasa ng imbestigasyon ang NBI kahit hindi naghahain ng reklamo ang mga pinagbantaan ng bise.

Sinabi ni Calilung na kapag may pagbabanta sa buhay ng matataas na opisyal ng pamahalaan kabilang ang presidente, bise presidente, senate president, at chief justice ay otomatikong mag-iimbestiga ang ahensya.

At kung may makikitang sapat na ebindesya, magsasampa aniya ng kaso ang NBI. (DDC)