Endangered Hornbills na-rescue sa GenSan

Nailigtas ng Department of Environment and Natural Resources ang dalawang endangered hornbills mula sa isang bebot na nagtangkang ibenta ito.

Isinagawa ang buy-bust operation sa Barangay Calumpang sa General Santos City na nagresulta sa pagkakadakip sa suspek na sangkot sa illegal wildlife trade.

Ang suspek na residente din ng GenSan ay nahaharap sa kasong paglabag sa Wildlife Resources Conservation and Protection Act.

Nakuha mula sa kaniya ang dalawang Southern Rufous Hornbills.

Sa isinagawang beripikasyon, sinabi ng DENR na undocumented ang mga nakumpiskang ibon.

Agad dinala ang dalawang hornbill sa CENRO GenSan para sa tamang pangangalaga. (DDC)