DICT, Viber tinalakay ang mas ligtas na serbisyo sa Pinas
Nakipagpulong si DICT Secretary Henry Aguda sa pamunuan ng messaging platform na Viber para mas mapabuti at matiyak ang ligtas na serbisyo ng platform.
Ayon kay Aguda, tinalakay sa pulong ang pagpapalakas pa ng technical coordination ng Viber sa local telecommunications provider sa bansa.
Ito ay para sa mas mabilis na pagtugon sa mga nararanasang service issues.
Sinabi ng DICT na pinag-usapan din ang posibilidad na mailapit ang imprastraktura ng Viber dito sa Pilipinas.
Dumalo sa pulong ang Chief Technology at Chief Information Security Officer ng Viber, kanilang Chief Architect and Director of Architecture at ang Business Development Manager. (DDC)
