Active Shooter Drills gagawin ng DepEd sa mga paaralan

Maglulunsad ng active shooter drills sa mga paaralan ang Department of Education para mapalakas ang pagpapatupad ng safety protocols kasunod ng mga insidente ng karahasan kamakailan.

Ayon kay Education Secretary Sonny Angara, sa isasagawang drills, mabibigyang gabay ang mga paaraalan kung paano tutugon sa mga pag-atake.

Sinabi ni Angara na target itong mailunsad ng DepEd sa Biyernes.

Samantala, hiningi ng DepEd ang tulong ng Philippine National Police para matugunan ang tumataas na bilang nga security threat sa mga paaralan.

Ani Angara, hindi kailangang automatic na suspendihin ang klase kapag may security threat.

Sa halip ang mga trained police personnel kabilang ang SWAT teams ay mag-iinspeksyon muna sa paaralan na nakatanggap ng banta habang ang mga estudyante ay nananatili sa ligtas na lugar. (DDC)