Ballistic Missile Test ng China kinondena ng Defense Department
Ikinabahala ng Department of National Defense ang paglulunsad ng ballistic missile test ng China kamakailan sa South Pacific.
Ayon kay Assistant Secretary Arsenio Andolong, tagapagsalita ng Defense Department, maituturing itong reckless display ng military power.
Binalewala aniya ng China ang mas maliiit na bansa at ang magiging epekto ng missile test sa ecological systems.
Ang naturang hakbang ayon kay Andolong ay malinaw na paghahamon laban sa mga hayagang tumututol sa kanilang ilegal na mga hakbang.
Sinabi ng DND na ang Pilipinas ay kaisa ng Pacific partners nito sa pananawagan sa China na maging responsible sa kanilang mga hakbang at huwag gamitin ang karagatan bilang lugar ng kanilang pananakit at imperial ambition. (DDC)
