4 HVIs huli sa P2.7-milyong halaga ng ‘shabu’ sa Las Piñas City
Naaresto ng District Drug Enforcement Unit- Southern Police District (DDEU-SPD) ang apat na bagong High-Value Individuals (HVIs) at nakumpiska ang P 2.72-milyong halaga ng umano’y shabu sa gitna ng buy-bust operation sa isang establisimiyento sa Diego Cera Avenue, Barangay Pulang Lupa Uno, Las Piñas City nitong Linggo ng gabi.
Ang mga nadakip na suspek ay kinilalang sina alyas“Kalbo,” 32-anyos, delivery rider; alyas “Jomar,” 30-anyos, delivery rider; alyas “Christian,” 22-anyos; at alyas “Carl,” 25-anyos, pawang mga HVI na kumikilos sa katimugang Metro Manila.
Sa ilalim ng pangkalahatang superbisyon ni SPD District Director BGen Glenn Oliver C.Cinco matagumpay ang ikinasang operasyon ng DDEU operatives sa pangunguna ng kanilang hepe na si Maj Cecilio G. Tomas Jr. Sa koordinasyon ng District Investigation Division (DID-SPD), Las Piñas City Police Station’s Station Drug Enforcement Unit (SDEU), at Sub-Station 1,na nagresulta ng pagkaaresto ng apat na suspek at nakumpiska ang tinatayang 400 na gramo ng umano’y shabu, buy-bust money, at cellular phone na pinaniniwalaang ginamit sa transaksiyon ng ilegal na droga.
Inihahanda ng SPD ang pagsasampa ng kasong paglabag sa Comprehensive Dangerous Drugs Act of 2002 laban sa mga suspek sa Las Piñas City Prosecutor’s Office.
“The District will continue to conduct intelligence-driven anti-illegal drug operations against individuals engaged in the illegal drug trade while ensuring that all police operations are carried out in accordance with the law,” sabi ni BGen Cinco. (Bhelle Gamboa)
