Halos 16,000 PDLs ng BuCor nailipat na sa mga piitan sa bansa simula 2022

Iniulat ng Bureau of Corrections (BuCor) ang kabuuang 15,730 na Persons Deprived of Liberty (PDLs) mula sa New Bilibid Prison (NBP) patungong mga operating prisons and penal farms sa buong bansa magmula taon 2022 hanggang sa kasalukuyan.

Ang mahalagang hakbang na ito ay parte ng ng mas malawak na istratihiya ng BuCor upang paghandaan ang nalalapit na pagsasara ng NBP sa 2028, isang inisyatibo na layuning isulong ang mas maunlad ang pinakamalaking correctional facilities ng Pilipinas.

Kinumpirma ni BuCor Director General Gregorio Pio P. Catapang Jr. ang paglipat ng mga inmates kasama ang batch ng 100 PDLs ng NBP patungong Leyte Regional Prison.

Sinabi ni Catapang na ang pla ong pagsasara ng NBP ay mayroong mga hamon at oportunidad para sa BuCor na layuning suportahan ang malawakang pagbabago ng organisasyon kung saan kamakailan lang naging punong abala ang ahensiya sa marketing summit na nakatuon sa hinaharap na paggamit ng napakalawak na pagmamay-ari ng NBP.

Ang kinatitirikang lupa ng prison compound ay nasa kabuuang 375.61 na ektarya, kasama rito ang 160 ektarya na nakalaan lamang para sa commercial leasing arrangements at karagdagang 106 na ektaryang lupa na nakalaan naman sa Public-Private Partnership (PPP) o Joint Venture (JV) agreements.

Layunin ng planong ito na magkaroon ng matatag at sustenableng pagkukunan ng pangkabuhayan na magpopondo sa kasalukuyang development and modernization programs ng BuCor.

“This strategic move not only paves the way for redevelopment but also represents a forward-looking approach to asset management for sustainable institutional growth,” sabi ni Catapang.

Ipinaliwanag nito na sa kabila ng leasing arrangements, ang pagmamay-ari ng lahat ng assets ay mananatiling sa gobyerno.Walang properties na ibebenta. Magbabayad ng upa ang mga magrerenta ng P65 hanggang P100 kada square meter bawat buwan kasama ang value-added tax (VAT). Base sa ganitong rates, ang taunang kita mula sa 160-hectare commercial portion lamang ay papalo sa tinatayang P1.25 billion at P 1.92 billion. (Bhelle Gamboa)