TESDA hinikayat ang publiko na mag-enroll sa iba’t ibang training skills
Ipinapakita nina Technical Education and Skills Development Authority (TESDA) Under Secretary Kiko Benitez at Presidential Communications Office Usec Mon Ilagan sa mga mamahayag ang husay at galing ng ating mga kababayan sa pagpapahusay ng kanilang kakayahan sa tulong ng mga partnership ng mga pribadong kumpanya gaya ng DAIKIN, UNITEC, HCG, SAN MIGUEL CORPORATION, at iba pa, na ginanap sa mismong mga pasilidad ng TESDA Complex, East Service Road, Taguig City ngayong umaga.
Hinikayat ni Usec. Benitez ang lahat ng Pilipinong nagnanais na mag-enroll ng iba’t ibang training skills na alok ng ahensiya upang magkaroon ng magagandang oportunidad sa trabaho dito sa bansa at sa ibayong dagat at maaaring magbukas ng sarili nilang negosyo pagkatapos na sumailalim sa mga kurso ng pagsasanay.
Sa ginanap na pulong balitaan sa Cafe Juana Building 4, binigyang-diin nito na napaka-importante aniya na angkop ang mga pasilidad ng training centers para sa edukasyon na magbigay ng kasanayan ng ating kababayan at naaayon sa pandaigdigang pamantayan.
Mayroon din aniyang online TESDA platform na tutulong at sasagot sa mga katanungan at iba pang kinakailangang serbisyo para sa mabilis na pagtugon ng ahensiya kasama na ang nakahandang modules. (Bhelle Gamboa)
