Ilang bahagi ng bansa makararanas ng kalat-kalat na pag-ulan sa Independence Day
Naglabas ng special weather outlook para sa Independence Day ang PAGASA.
Ayon sa PAGASA, Southwest Monsoon at Easterlies ang iiral na weather systems sa June 12.
Ang Habagat ay maghaahtid ng maulap na papawirin na may kalat-kalat na pag-ulan at thunderstorms sa Batanes, Babuyan Islands, Ilocos Norte, at Ilocos Sur.
Ang nalalabi namang bahagi ng bansa ay makararanas bahagyang maulap hanggang sa maulap na papawirin na may isolated na pag-ulan o thunderstorms partikular sa bahagi ng Eastern Visayas, Caraga, Northern Mindanao, at Zamboanga Peninsula dahil sa Easterlies.
Dahil dito paalala ng PAGASA sa mga dadalo sa mga aktibidad para sa paggunita ng Araw ng Kalayaan magdala ng payong para handa sila sakaling umulan. (DDC)
