BOC kumita ng P80M ngayong taon sa auction ng Luxury Vehicles

Umabot na sa 80.3 million pesos ang nakulekta ng Bureau of Customs ngayong taon sa mga ginawa nitong pag-subasta sa limang mamahaling sasakyan.

Apat sa limang nasubastang sasakyan ay pag-aari ng mag-asawang contractor na sina Sarah at Curlee Discaya.

Sa labingtatlong sasakyan na kinumpiska ng BOC mula sa mga Discaya, siyam dito ang nabenta na.

Apat sa kanilang sasakyan ay naibenta ngayong taon sa halagang mahigit 54.7 million pesos habang noong nakaraang taon, ang limang sasakyan nila ay naibenta sa halagang mahigit 47.7 million pesos.

Noong Martes, isang Rolls-Royce Phantom na walang kaugnayan sa mga Discaya ang naisubasta din ng BOC sa halagang mahigit 25.5 million pesos. (DDC)