P10 ASEAN Coin puwedeng gamiting pambayad
Nilinaw ng Bangko Sentral ng Pilipinas na puwedeng ipambayad ang inilabas na 10-piso ASEAN coin.
Ang 10-Piso ASEAN Coin ay inilabas sa sirkulasyon para kilalanin ang chairmanship ng Pilipinas sa ASEAN 2026.
Sa ngayon sinabi ng BSP na tatlong disenyo ng ten-peso coin ang nasa sirkulasyon.
Ito ay ang 10-Piso ASEAN Coin, 10-Piso New Generation Currency Coin Series at 10-Piso BSP Coin Series.
Ang lahat ng tatlong disenyong ito ng sampung pisong barya ay dapat kilalanin at tanggapin sa mga transaksyon. (DDC)
