Dalawang OFW nasawi nang barilin mismo ng kanilang amo sa Lebanon

Kinumpirma ng Department of Migrant Workers ang pagkasawi ng dalawang OFW sa isang hostage incident sa Lebanon.

Ayon sa pahayag ng DMW, mismong employer ng dalawang OFW ang suspek sa insidente na nangyari sa Beirut noong April 15.

Ang dalawang biktima ay matagal nang nagtatrabaho bilang household service workers sa kanilang employer.

Naaresto naman ang suspek at kasalukuyang hawak na ng mga otoridad.

Inatasan na ni Migrant Workers Secretary Hans Leo Cacdac sina DMW Undersecretaries Bernard Olalia at Felicitas Bay na personal bisitahin ang pamilya sa Pilipinas ng dalawang OFW.

Ito ay para ipaabot ang pakikiramay ng pamahalaan at tiyakin na maipagkakaloob sa kanila ang karampatang tulong.

Habang ang MWO at ang embahada ng Pilipinas sa Lebanon ay nagtutulungan na para sa ginagawang imbestigasyon ng otoridad at sa pagsasampa ng kaso. (DDC)