Higit 1,700 pang seniors sa Las Piñas City nabigyan ng social pension
Naging maayos at organisado ang pangalawang araw ng Social Pension Payout ng 1st quarter ngayong taon na ginanap sa Aguilar Sports Complex, Barangay Pilar, Las Piñas City.
Katuwang ang Department of Social Welfare and Development (DSWD), nabigyan ng tig-P3,000 cash ang mahigit 1,700 senior citizens mula sa Barangay Talon Uno, Talon Singko, Talon Tres, at Pilar.
Patuloy ang Pamahalaang Lungsod ng Las Piñas sa paghahatid ng mga programa na makatutulong sa pang-araw-araw na pangangailangan ng bawat Las Piñero.
Nabatid na sa unang araw ng social pension payout, umabot sa 1,800 senior citizens mula sa mga Barangays Almanza Uno, Almanza Dos, Talon Dos, at Talon Kuatro ang naabutan ng tulong. (Bhelle Gamboa)
