PhilHealth sinagot ang panawagang ihinto ang paniningil sa contributions

Sa pagdedeklara ng State of National Energy Emergency sa bansa tiniyak ng PhilHealth na mananatiling walang antala sa pagbibigay benepisyo sa lahat ng kanilang miyembro.

Ayon sa pahayag ng PhilHealth, nauunawaan nito ang mga panawagang pansamantalang tigil-singil sa premium contributions.

Gayunman, mahalaga ang tuloy-tuloy na premium contributions para masuportahan ang mga benepisyo ng mga miyembro.

Sa ngayon sinabi ng ahensya nakikipag-ugnayan na ito sa economic managers ng pamahalaan at naghihintay ng gabay mula sa Malakanyang hinggil sa panukalang ihinto ang paniningil ng kontribusyon.

Ayon sa PhilHealth, kasalukuyan naman nitong ipinatutupad ang one-time waiver ng premium penalties para sa mga past-due premiums ng mga employers at self-paying members.

Hinikayat ng PhilHealth ang mga direct contributor na samantalahin ang penalty condonation scheme para makabawas sa kanilang gastusin. (DDC)