PUJ drivers na hindi pa nabigyan ng ayuda ng DSWD sumasailalim na sa verfication

Nagkasa ng verification ang Department of Social Welfare and Development sa mga driver ng jeep na hindi napabilang sa listahan at hindi nakatanggap ng cash relief assistance.

Ayon sa DSWD, katuwang ang Land Transportation Franchising and Regulatory Board at ang Jeepney Operators and Drivers Association nagsagawa ng verification sa iba’t ibang lugar sa Metro Manila.

Ito ay para maiayos ang listahan ng mga pangalan ng qualified beneficiaries ng cash relief assistance.

Ayon sa DSWD, may mga PUJ driver mula San Juan, Pateros, Makati, Quezon City at Parañaque na hindi nakatanggap ng ayuda dahil wala sila sa listahan.

Sa pamamagitan ng verification, ang mga kwalipikadong tsuper ay maisasama sa special payout schedule na isasagawa pagkatapos ng Semana Santa. (DDC)