LTFRB may paalala sa mga tsuper na hindi pa nakatatanggap ng Fuel Subsidy
Kailangang magparehistro ang mga tsuper na hindi pa nakatatanggap ng fuel subsidy mula sa Land Transportation Franchising and Regulatory Board.
Sa inilabas na abiso sinabi ng LTFRB na hindi na kailangang personal na magpunta ng mga tsuper sa tanggapan ng ahensya para magparehistro.
Sa halip ay maaari na lamang itong gawin online.
Ibinahagi ng ahensya sa kanilang Facebook page ang QR Code na maaaring i-scan ng mga driver para makapagparehistro.
Tiniyak ng LTFRB na patuloy hakbang ng ahensya upang mapadali ang serbisyo para sa mga friver at operator.
Ito ay upang masiguro na ang tulong ng pamahalaan ay makararating sa mga nararapat na benepisyaryo. (DDC)
