Sperm Whale natagpuang naaagnas sa baybaying dagat ng Infanta, Quezon

Tumulong ang mga tauhan ng Philippine Coast Guard (PCG) para maibaon ang isang sperm whale na natagpuang naaagnas na sa baybayin ng Dinahican sa Infanta, Quezon.

Nakipag-ugnayan ang Coast Guard Sub-Station (CGSS) sa Infanta sa LGU ng nasabing bayan gayundin sa Municipal Agricultural Office (MAO) at sa Municipal Environmental and Natural Resources Office (MENRO).

Ayon sa report, isang concern citizen ang tumawag sa mga otoridad para i-report ang natagpuang patay na Sperm Whale.

Sa isinagawang assessment, nakitang nasa advanced state of decomposition na ang Sperm Whale.

Ayon sa PCG, ibinaon ang Sperm Whale sa baybayin ng Brgy. Dinahican sa tulong ng mga tauhan ng Engineering Office na nagsagawa ng excavation work. (DDC)