Serebisyo ng Converge sa Metro Manila, mga kalapit na lalawigan nagkaproblema
Nakaranas ng connection problem ang mga subscriber ng Converge Metro Manila at mga kalapit na lalawigan.
Sa inilabas technical advisory, sinabi ng Converge na may na-detect silang connectivity issue sa ilang bahagi ng Metro Manila, Tagaytay, Laguna, at Cavite.
Nagsimula ang connectivity issues alas 10:12 ng umaga ngayong Lunes, August 3.
Nakasaad din sa abiso na gumagawa na ng hakbang ang kanilang technical teams para maresolba ang isyu sa lalong madaling panahon.
Humingi naman ng paumanhin ang Converge sa kanilang subscribers dahil sa nangyari.
