Drug suspect patay sa buy bust sa Taytay, Rizal
Patay ang isang drug suspect makaraang maka-engwentro ang mga pulis sa Taytay, Rizal Lunes (Aug. 3) ng madaling araw.
Ikinasa ng Taytay PNP ang buy bust operation sa Brgy. San Juan.
Pero nauwi sa engkwentro ang operasyon na ikinasawi ng suspek na si alyas Iqbal Ahmed Mama Amal.
Naisugod pa sa ospital ang suspek pero binawian rin ng buhay.
Nakuha sa suspek ang tinatayang 1 kilo ng hinihinalang shabu na nagkakahalaga ng P6.8 million.
Nagawa namang makatakas ng isa pang suspek lulan ng motorsiklo.
