Dating Cavite Gov. Ayong Maliksi pumanaw sa edad na 82

Pumanaw na si dating Cavite Governor Erineo “Ayong” Maliksi araw ng Miyerkules, February 24.

Si Maliksi ay edad 82.

Ang kaniyang pagpanaw ay kinumpirma ng anak niyang si Imus City Mayor Emmanuel “Manny” Maliksi.

Sa kaniyang post sa Facebook, inalala ni Mayor Manny Maliksi ang pagmamahal at aral na itinuro ng kanilang ama.

“Higit sa pagiging isang serbisyo-publiko, ikaw ay naging isang mapagmahal at mapagkalingang ama sa amin. Maraming salamat sa iyong pagmamahal at sa mga aral na patuloy naming babaunin,” ayon kay Mayor Manny Maliksi.

Sinabi din ng alkalde na ang kaniyang ama ang naghubog sa kaniya upang maging isang lider na hindi kailanman tatalikod sa tungkulin.