Alyansa ni Inday Movement nagsagawa ng motorcade mula Pasay patungong QC
Nagsagawa ng motorcade ang grupong sumusuporta sa pagtakbo ni presidential daughter at Davao City Mayor Sara Duterte sa 2022 presidential elections.
Kasabay ng paggunita ng ika-35 anibersaryo ng People Power Revolution maagang nagtipun-tipon ang grupong Alyansa ni Inday Movement (AIM) sa Pasay City.
Mula sa Pasay, nagsagawa sila ng motorcade patungo ng Quezon City.
Sa mga banner na dala ng grupo, hinihimok nilang tumakbo si Davao City Mayor Sara Duterte bilang presidente.
Agaw-pansin naman ang magagarang sports car na lumahok sa naturang motorcade.
