BREAKING: Mag-ina patay sa sunog sa Sta. Cruz, Maynila
![BREAKING: Mag-ina patay sa sunog sa Sta. Cruz, Maynila](https://newsflash.ph/wp-content/uploads/2021/04/Manila-Apr-28-Sunog.png)
Patay ang mag-ina sa sunog na naganap sa Elias Street sa Sta. Cruz, Maynila.
Nagsimula ang sunog alas 6:00 ng umaga sa bahay ng mag-inang De Leon.
Ayon sa Manila Police, ang mga nasawi ay nakilalang sina Frencelyn De Leon, 36 anyos at isang vendor, at anak nitong si Preciuos De Leon, 7 taong gulang.
Kapwa natagpuan ang mag-ina na nasa pasimano ng bintana sa ikalawang palapag ng bahay.
Mayroon kasing fire exit sa bintana ng bahay kaya doon tinangka ng mag-ina na tumakas, subalit kapwa sila hindi nakaligtas.
Kita pa sa mga kuhang video at larawan ng mga residente sa lugar na nasunog ng buhay ang mag-ina habang nasa pasimano ng bintana.
Sugatan naman ang live-in partner ni De Leon na si Jonel Mandap, 36 anyos at dinala na sa ospital.
Inaalam pa ng Bureau of Fire Protection kung ano ang pinagmulan ng apoy.
Bahagya namang nadamay ang katabing bahay ng mag-ina.