4 na kawani ng DPWH na sangkot sa iregularidad sinibak sa puwesto

Apat na tauhan ng Department of Public Works and Highways ang sinibak sa serbisyo.

Ayon kay DPWH Secretary Giovanni Lopez, ito ang unang pagpapatupad niya ng balasahan sa ahensya matapos maitalaga sa nasabing puwesto.

Kabilang sa sinibak sa pwesto ang mga sumusunod na opisyal dahil sa alegasyon ng korapsyon:

– District Engineer Hermon Ines mula sa Tarlac 1st District Engineering Office
– District Engineer DE Saidale Mitmug, mula sa Cotabato 3rd DEO
– OIC District Engineer Clifton Valencerina, mula sa Apayao 2nd DEO

Samantala sinibak din si DE Amron Mitmug, mula Lanao del Norte 2nd DEO dahil sa pagsusumite nito ng pekeng false supporting documents para sa National Expenditure Program.

Ayon kay Lopez, tuluy-tuloy ang “one-strike policy” na ipinatupad ni dating DPWH Secretary Vince Dizon at agad iimbestigahan ang mga indibidwal na masasangkot sa mga kwestyunableng Gawain. (DDC)