2 Pinoy sugatan pag-atake sa airport sa Riyadh

Kinumpirma ng Department of Migrant Workers na dalawang Pinoy ang nasugatan sa pag-atake sa Paliparan sa Riyadh, Saudi Arabia.

Ayon kay DMW Secretary Hans Cacdac, binabantayan na ng mga team mula MWO at OWWA ang kondisyon ng dalawang Pinoy.

Kapwa sila nasa ICU sa ospital sa Riyadh at nagpapagaling sa tinamong sugat matapos ang pag-atake sa King Khalid International Airport.

Labingdalawa ang nasawi sa nasabing pag-atake at mahigit tatlongdaan ang nasugatan ayon sa civil aviation officials ng Saudi Arabia. (DDC)