Management ng MV June Aster may utang sa sweldo ng kanilang mga manggagawa

Sinimulan na ng Department of Labor and Employment ang imbestigasyon hinggil sa pagsunod sa workplace safety and operational standards sa nasunog na M/V June Aster sa Coron, Palawan.

Sa Lupong Pamagawa inquiry na ginawa ng DOLE, natuklasan ang maraming paglabag ng management ng barko sa General Labor Standards kabilang ang hindi pagbabayad sa overtime, holiday, rest day at night shift differentials ng kanilang mga manggagawa.

Lumitaw din sa imbestigasyon na may mga paglabag Occupational Safety and Health Standards ang kumpanya kasama na ang kawalan ng safety programs, emergency response plans, safety committees, at trained officers.

Hindi rin sapat ang personal protective equipment sa barko at hindi rin ito nagsusumite ng mandatory OSH reports.

Paliwanag ni Labor Secretary Francis Tolentino na dapat sumunod ang mga kumpanya sa labor standards at occupational health and safety guidelines para masiguro ang proteksyon sa kanilang mga manggagawa. (DDC)